Sports
മുംബൈ: ഐപിഎല്ലിൽ രാജസ്ഥാൻ റോയൽസിന്റെ താരമായ സഞ്ജു സാംസണ് ഡൽഹി ക്യാപിറ്റൽസിലേക്ക് ചേക്കേറിയേക്കുമെന്ന് സൂചന. ലേലത്തിന് മുൻപ് രാജസ്ഥാനും ഡൽഹിയും താര കൈമാറ്റം നടത്തിയെക്കുമെന്നാണ് റിപ്പോർട്ട്.
സഞ്ജുവിന് പകരം ദക്ഷിണാഫ്രിക്കൻ വിക്കറ്റ് കീപ്പർ ട്രിസ്റ്റൻ സ്റ്റബ്സ് രാജസ്ഥാനിൽ എത്തിയേക്കും. രാജസ്ഥാൻ റോയൽസ് ഡൽഹിയുമായി നടത്തുന്ന ചർച്ച അന്തിമ ഘട്ടത്തിലെന്നാണ് വിവരം.
സ്റ്റബ്സിന്റെ കൂടെ ഒരു താരത്തെ കൂടി വേണമെന്നാണ് രാജസ്ഥാന്റെ ആവശ്യം. എന്നാൽ ഈ വ്യവസ്ഥ ഡൽഹി അംഗീകരിച്ചിട്ടില്ല. ഇക്കാര്യത്തിൽ കൂടെ തീരുമാനമായാൽ സഞ്ജു വീണ്ടും ഡൽഹിക്കായി കളത്തിലിറങ്ങിയേക്കാം.
മലയാളി വിക്കറ്റ് കീപ്പറെ ടീമിലെത്തിക്കാൻ ഡൽഹിക്ക് വലിയ താത്പര്യമാണുള്ളത്. എന്നാൽ താരത്തിന് പകരമായി പ്രധാന താരങ്ങളെ വിട്ടുനൽകാൻ ഡൽഹി തയാറായിട്ടില്ലെന്നാണ് വിവരം. നേരത്തെയും സഞ്ജുവിനായി ഡൽഹി ശ്രമങ്ങൾ നടത്തുന്നുവെന്ന് റിപ്പോർട്ടുകൾ വന്നിരുന്നു.